الاب يلي بحمل الاسرهَ
ما بيطلبش شكر ولا أُجرهَ
واجب علينا نقدرو هالأب
مش نقمعو لما انحنى ظهرهَ
ممكن كبر بالسن حكم الرب
وما عاد يملك كامل القدرهَ
ولما انو كبر ابنو وبلغ هالشب
يتكبر ويسقى الابو حسرهَ
وينسى اللي ضحى ول تعب ول حب
ويشوف حالو اخبر وادرهَ
والأب نرميه ونتركوا عا جنب
والأم تنسى طيبة العشرهَ
ويصبح ثقيل بعينهم مسكين
ان بطلب طلب بتواجه بثورهَ
دقه قديمه وانتهى أمرهَ
المصدر : https://www.palumedia.eu/?p=24850
