لما يكون متوسط دخل الفرد في القطاع نص شيكل… أحمد ابو عريضة

20 يونيو 2022آخر تحديث : الإثنين 20 يونيو 2022 - 7:57 صباحًا
فيسبوكيات
لما يكون متوسط دخل الفرد في القطاع نص شيكل… أحمد ابو عريضة

لما يكون متوسط دخل الفرد في القطاع نص شيكل
طبيعي جدا يكون كل المنتجات المستورده والمحليه
تتناسب مع هالدخل
طبيعي تصب الشاي بالكاسه تقوم فاقعه بوجهك
ولا فيشه الكهرب تسيح بعد خمس دقايق
ولا سلك الكهرب تولعه علشان تعريه يقوم سايح
النحاس قبل البلاستيك …
ولا طعم البطيخ لا انت عارف بتاكل يقطيني ولا ملفوف
وين ما روحت حتلاقي أحرف كثيره لقلمك
ادخل سوق الخضرا حتلاقي كل الكثير من السلبي موجود
ادخل علي المثلجات حتلاقي لحوم واسماك
تاريخ انتهاؤها من قبل غزوه الخندق
ادخل علي الملابس حتلاقي هدوم ممكن تقدر تقول عنها إستعمال لمره واحده ..
وين ما روحت ستجد ان السلبي موجود في كل مناحي الحياه .. حتي في عاداتنا واخلاقنا
امبارح ولاول مره من فتره طويله روحت احضر ماتش كوره
كميه قزايز الميه اللي ارتمت مع كميه الشتايم االي اسمعتها خلتني اكره كره القدم واركز في البينج بونج ..
حتي المثقفين اللي مفروض صفوه المجتمع اغلبهم مسك الطبله والبعض منهم مسك الدف والباقي مسك الصاجات وكله بيرقص علي واحده ونص للقوي …
مش عارف احنا وين ورايحين وين .. هو احنا عايشين ام
هي مرحله تاهيل لما قبل القيامه …
اللي عنده مكان في الخلا بيقعد فيه بالله ما ينساني
وفرشتي وبساطي معي … ورقم جوالي معروف للجميع
بس اعطيني رنه حتلاقيني جنبك بعد ساعه
وصب كلور للشباب خليها تعيش
وطن ،،،،

عاجل
هذا الموقع يستخدم ملفات تعريف الارتباط "الكوكيز" لمنحك أفضل تجربة ممكنة.
موافق