صباح الخير يا فلسطين ….
صباح الخير لكل الأحرار في وطن الأحرار ….
في وطني …. يحدث للأسف:
اذا كان لك ترقية مستحقة بالنظام ….اذا كنت من عظام الرقبه بتمشي بسرعة الصاروخ ….اذا كنت من عظام العصعص ولا عمرك بتشوفها الا لتشوف حلمة وذنك …
اذا تقدمت لوظيفة وقابلت بلجنة وما كنت من عظام الرقبة وموصى عليك …ومزبط كل اعضاء اللجنة …تحلمش فيها …وان كنت دقر وبتنبش على كل شي وبتراقب ..اعتبر اللجنة ملغية لحين ما تموت بيعملوها علشان اللي بدهم اياه يوخذوه ….
اذا اثنين تنافسوا على ترقية وكانوا من عظام الرقبة اكيد واحد رح يكون من عظام رقبة الزرافة ورح يوخذها بينما الثاني رح يكون من عظام رقبة حمار وما رح يوخذها ….
اذا كان لك ملف عند ديوان الغلابا العام …اكيد اذا كنت من عظام الرقبة او من العيلة …ملفك بمشي بسرعه وبتوخذ كل حقوقك …اما اذا كنت من مخيم الفوار مثلا عمرك ما بتشوفها لأنه انت اصلا ابن مخيم وواجبك فقط تستشهد او تعتقل علشان الاشوس المناضل يظله مدير عام او وزير …أو ..أو ..
اذا كانت علاوة ترقيتك مش واصليتك صح وبدك تزبطها لازم تكون من عظام رقبة الزرافة …اما تكون من عظام عصعص الحمار …لا تفكر فيها او ممكن تكون صديق عائلي للزرافة علشان توخذ علاوتك غير عن كل الغلابا ..
الك لجنة مقابلات وكنت من عظام الرقبة بتنعقد حتى ولو على القمر وبيوم عطله….. عادي …مش مشكله …اما كنت من عظام العصعص اللجنة لسه مش طالعه من الوزارة …او الديوان مش فاضي يشوفها …او اعضاء اللجنة مفقودين …. او … او …الخ وعمره ما رح تنعقد الا بمزاج عظام الرقبة …
وصلت سن التقاعد وبدك تمدد …عادي اذا كنت من عظام الرقبة …ممكن يمددولك الى ما لا نهاية …. مهو فلسطين عملوها عاقر …. وهم العاقرين لكل شئ في هذا الوطن …
يقول الزعيم الراحل جمال عبد الناصر:
“اللهم أعطنا القوة، لندرك أن الخائفين لا يصنعون الحرية، والضعفاء لا يخلقون الكرامة، والمترددين لن تقوى أيديهم المرتعشة على البناء.”
وانا لا ترتعش يداي
