على باب الله
عايشين تمام على باب الله
عمر بنحياه
واللي في مرّة يقول الآه
كذّاب ولعين
كتر السعادة اللي عايشها
ولابس خيشها
شبه الدجاج منتوف ريشها
من غير سكاكين
غزة ورام الله هلا هلا
كدا كدا أحلى
وعشان عيون قطر الكحله
عايزين سفيرين
والشعب مبسوط من كيفه
ورامي سيفه
عايش تمام أحلى ظروفه
بين الخصمين
في كل يوم يصحا ويفطر
شهد مكرر
مش ناقصه غير بلد محرر
ربّك بيعين
والدنيا يا محلى حلاها
الخير سوّاها
واحنا بجمالها بنتباهى
زي المجانين
الكهربا من غير ألغاز
بخمسين فاز
وتشوف يوماتي جرار الغاز
دايماً ملانين
لو رحت يوم على مستشفى
لازم تشفى
وكل دكتور إلو وصفه
عكس التانيين
أمّا المدارس والتعليم
أفهم يا فهيم
وكل سين بخمسين جيم
طبعاً فهمين
تشكي لمين ابن القاضي
سيفه ماضي
ولسانه ينضح بالفاضي
بوجه المساجين
وان كنت عايز يوم تصحا
تلاقي مصالحه
لا بد إنك في مصحّه
دار المجانين
الصلح مش للإستعمال
والخيبه حلال
يا عزيزي ليه الإستعجال
أفهم يا حزين
يا غزة يا أم الثوار
شعبك محتار
لا جنة عايش ولا في النار
يا غراب البين
خليك كدا على باب الله
غزة رام الله
بجراح بلدنا بتتسلى
والناس نايمين
الشاعر / خليل مكاوي
