انا هيك،،،،،،، منذر ارشيد

2020-02-26T15:31:29+02:00
2020-02-26T15:31:31+02:00
حلو الكلام
26 فبراير 2020آخر تحديث : منذ شهر واحد
انا هيك،،،،،،، منذر ارشيد
منذر ارشيد

( أنا …..هيك )..؟

منذر ارشيد

أنا ……. هييييييييك

شو ذنبي إذا إنتْ مش هيك..!؟

أنا أقول الحق كل الحق
وانت الباطل طالع من عنيك

أنا ما بخاف إلا من الله .
أنت بتخاف من الي حواليك

أنا عرفت طريقي
إنت رحت …هيك وهييييك.!

أنا مشيت مستقيم
شو ذنبي إذا إنتَ اعوَجِيت.!؟

أنا مش خايف عحالي
أنا كنت خايف عليك .!

في المْرايه بشوف أسد
انت في المْرايه بتشوف كريك

لأنك جرفت مال الحرام.
وأنا مالي حلال حتى عليك

انت بنيت قصر وانا حفرت قبر
وقبري أغلى مما لديك

أنا سعيد بحالي
وانت تعيس والحكي كله عليك

أنا تفكيري فوق في السما
وانت مستواك بين رجليك

والله حاولت أهديك
بس إنت ما رَديِت .!

انت بِعِت نًفسًك بالدولار
أنا عند كرامتي دَعَست بْريكْ

إنت للشيطان بعِتْ حالك
أنا دُست عليه وعليك..

لا تناطحني ياااااا تيييييس بِقرونَك.!
ولَكْ أنا صخرة وقرونك حَترتَدْ عليك

تَشويه سُمعتي ما بِفيدك
بِفيدني أكثر والعار عليك

أنا مسؤول عن نفسي
مش مسؤول عليك

ما راح ترهبني يا فاسد
أنا هيك وراح أظل هيك

وإذا ظل للعمر بقية
راح تندم وادوس عليك

رابط مختصر
هذا الموقع يستخدم ملفات تعريف الارتباط "الكوكيز" لمنحك أفضل تجربة ممكنة.
موافق