القصة ما بدها لحاف ومخدة

2020-12-20T17:29:36+02:00
حلو الكلام
20 ديسمبر 2020آخر تحديث : الأحد 20 ديسمبر 2020 - 5:29 مساءً
القصة ما بدها لحاف ومخدة
الشاعرة والناقدة هدلا

القصة ما بدها لحاف ومخدة
ولا سما زرقة الها تشتكي
بدها ارجيلي و”متى”
وسهرة على الشرفة
وضحك ع القضية
وشيخ يفسر احلام الختيارية

القصة ما بدها جلد الروح
والمشي حافي
بدها حداقة وسيجارة

ما بدها همس ولمس وصورة تلفزيونية
تضحك على كبر سنك الصبية
وتلعب ع حبلين القضية

القصة ما بدها خصر الوطن
ولا شَعر العلم بنحط بغنية

القصة ما بدها شجن جنية
تزيد وتعيد بكلمات الغنية

الرواي بدو شب صغير
و وردة ومصروف كتير
وشحدة على بنته وقهره
اللي عليهم بينق كتير

القصة بدو يطلع رسمال البيت
ويلبس ويجخ شوي
بدو ياكل ليل نهار
وبالاخر يقول اخ يا بطني
الطبع فيه غدار وما بيملي عينوا غير النار
ولغيره ما بيحب يشوف الليل نهار

القصة ما بدها شطارة وفذلكة ومهارة
وسراق شعر وحضارة
وفيلسوف بصنارة

القصة مش قضية
ولا سطر حروفه مية
ما بدها كذب معجونة بصبية
عمرها اربعين او فوق شوي

كل القصة ان القصيدة مالي وحلالي …
وما حدا غيرك عبالي
وحبك اللي مخبالي
كل القصة بدها شفاف تغني موالي
ونهرب من عين العزابة

رابط مختصر
هذا الموقع يستخدم ملفات تعريف الارتباط "الكوكيز" لمنحك أفضل تجربة ممكنة.
موافق