الشحاتين اللي ع مفترق السرايا و مفترق العائلات… كتبت منارة جندية

2020-12-29T21:12:33+02:00
المواطن يسأل..؟
29 ديسمبر 2020آخر تحديث : الثلاثاء 29 ديسمبر 2020 - 9:12 مساءً
الشحاتين اللي ع مفترق السرايا و مفترق العائلات… كتبت منارة جندية

عدد الشحاتين يلي ع مفترق السرايا و مفترق العائلات بتجاوز عدد سكان قطاع غزة و ما ببالغ لو حكيت كمان عدد سكان الضفة ، للأمانة مش هيك بيجي الطفل و لا الطفلة بثبت بالواحد التثبيتة العاطلة و بصير يدعيلو و الله و الله و الله و لو ما أعطاه بصير يدعي عليه بالموت و بالمرض و الحسرة !! و المشكلة لو الواحد بدو يعطي شحات بلاقي عشرة وراه براقبو الوضع و بيجوو بحاصروك و للعلم هما بكون إلهم رئيس عصابة و بوزعهم ع مناطق شوفتوا مرة بنزلهم من تكتوك و بعطيهم التعليمات و الشب يلي كان رئيسهم ما بتجاوز ل 20 سنة عمره
بذكرني بفيلم أُمنا الغولة المصري متلو بالزبط و الأنقح من هيك و إللي بيقهر أكتر لمن البنت فينا تلاقي صبية بعمرها و حتى اصغر منها بتلف بتشحت ب أخر الليل !! سؤال هلقيت أهلها يلي بعتوها ما خافوا عليها ما خافوا حد ابن حرام يساوي فيها شي و لا أصلا هما مش أهل و لا سند لأنهم لو بنأدمين ما بفكروا يبعتوا بنتهم تشحت لو شو ما كان المبرر أو السبب إلحس الرمل و لا تذل بنتك لمخلوق و الشحاتة بتكون بتطلع فينا نظرة حسرة و حزن و قهر كإنوا بتحكي أنا ليش مش متلكم ليش ما بلبس متلكم و لا بطلع و لا بتعلم ليش أهلي رموني بالشارع و إختصروا ع حالهم طريق و ضيعوني و ضيعوا مستقبلي و هاد كلام بنت منهم إوقفت و حكيت معها و حاولت أساعدها و أعرف من بيت شو و لا حتى ساكنة وين بس رفضت لانو كانت خايفة و كتير كمان ما بعرف شو السبب
بدل ما الأب يطلع يشتغل و يتعب بروح برمي بنتو و لا حتى إبنو لذل و القرف اللي يقرفوا انشالله
للأمانة ظاهرة التسول بغزة مش طبيعية
و بدكم الله يطلعلكم ، داهية تقرفها هالبلد ?✋

Manara

رابط مختصر
هذا الموقع يستخدم ملفات تعريف الارتباط "الكوكيز" لمنحك أفضل تجربة ممكنة.
موافق