الثقافة الفلسطينية،،،،، ابراهيم فرحات

2020-06-02T20:12:12+02:00
2020-06-11T16:05:16+02:00
حلو الكلام
2 يونيو 2020آخر تحديث : منذ شهرين
الثقافة الفلسطينية،،،،، ابراهيم فرحات
ابراهيم فرحات

{{((الثقافه الفلسطينيه))}}

كلمات ابراهيم احمد فرحات

شوف الماضي حاضر فينا
اهل ثقافه .. وعلم ودين
فينا الأقصى ومسرى نبينا
وفينا القدس تاج فلسطين

ويافا الدره احلى مدينه
وحيفا وعكا ودير ياسين
وفينا الدبكه ثقافه أصيله
وتراث كل أهل فلسطين

وظريف الطول فينا حكايه
والميجنا .. وعتابا .. سنين
واهل الضفه واهل رام الله
وغزه وسام على كل جبين

وغزه العزه .. ورفح القلعه
واهل خانونس صبر ويقين
وبني سهيلا .. واهل جباليا
واحلى تين الشيخ عجلين

ونابلس فينا تاريخها حافل
واحلى كنافه وقمر الدين
وخليل الرحمن .. وحرمها
وكرمها .. وإيمانها .. يقين

(وسبع) وطني وبدو بلادي
اهل شهامه .. و عز ودين
(والدحيه) .. عيني عليها
واغلى نشاما بدو فلسطين

وكل بلادي .. شرقه وغربه
وكل مدنها .. شمال ويمين
وكل قراها .. وطيب ثراها
اهل ثقافه .. وعلم ودين

وكل الماضي حاضر فينا
واحنا شعب الجبارين
لا ما انسينا تراث اهالينا
ولا أغانينا .. يا فلسطين

والقمباز والثوب المطرز
واغلى كوفيه وشال بنتين
ويوم المولود ويوم طهوره
ويوم افراح بيت العروسين

وشهدا بلادي واسرى بلادي
وجرحى بلادي في العنتين
هذي ثقافة في كل ولادي
وجيل النكبه اكيد فاكرين

وفينا اقصى الأمه غالينا
وقدس بلادي في نن العين
ووطن حاضر دايمآ فينا
وساكن فينا هوى فلسطين

وهذي تقافة كل أجيالك
فرس ونشمي وجد أمين
(وحق أهالينا ثابت وفينا)
والله وعدنا ونصره يقين

وفينا شاعر عاشق وطنه
وفينا العابد وشيخ الدين
وفينا تاريخ الفن في يافا
وفينل (أمجاد الرياضيين)

واحنا سبقنا الكل في اسيا
وكنا في فيفا في العشرين
واسأل عنا الدول العظمى
واسأل برضه المحتلين

وكل ثقافة .. وطني فينا
وشمسه وقمره ليوم الدين
فينا الأقصى القبله الأولى
وفينا الكعبه .. و الحرمين

واحنا ماضينا ساكن فينا
أهل ثقافه .. وعلم ودين
فينا الأقصى ومسرى نبينا

وفينا القدس تاج فلسطين

كلمات ابراهيم احمد فرحات
الثلاثاء :
10 شوال 1441 هجري
2 يونيو 2020 ميلادي


ثقافتنا عريقه وتشهد لنا
فلسطين تجمعنا
والعوده موعدنا


كلمات دليلية
رابط مختصر
هذا الموقع يستخدم ملفات تعريف الارتباط "الكوكيز" لمنحك أفضل تجربة ممكنة.
موافق